ભારતીય અનુભવી બેટ્સમેન રોહિત શર્મા પુરુષોના આંતરરાષ્ટ્રીય ક્રિકેટમાં 20 હજાર રન પૂરા કરનાર ચોથો ભારતીય બન્યો છે. તેણે શનિવારે વિશાખાપટ્ટનમના ACA-VDCA ક્રિકેટ સ્ટેડિયમ ખાતે દક્ષિણ આફ્રિકા સામેની ત્રીજી ODI મેચમાં આ સિદ્ધિ મેળવી છે. ભારત માટે આ મેચ ખાસ રહી, કારણ કે ભારતે 9 વિકેટથી દક્ષિણ આફ્રિકાને હરાવી 2-1થી શ્રેણી પોતાના નામે કરી હતી.રોહિત શર્માએ 505 આંતરરાષ્ટ્રીય મેચોમાં 45થી વધુની સરેરાશથી આ સિદ્ધિ મેળવી છે. આ યાદીમાં 34 હજાર 357 રન સાથે સચિન તેંડુલકર, 27 હજાર 910 રન સાથે વિરાટ કોહલી અને 24 હજાર 064 રન સરગે રાહુલ દ્રવિડ તેનાથી આગળ છે.

ગૃહ અને સહકાર મંત્રી અમિતભાઈ શાહે વાવ–થરાદ જિલ્લાના દિયોદર તાલુકાના રૈયા ખાતે સ્થિત બનાસ ડેરીના ગર્ભ ટ્રાન્સપ્લાન્ટ લેબોરેટરીની મુલાકાત લીધી હતી. તેમણે લેબોરેટરીની કાર્યપ્રણાલી, ટેક્નોલોજીકલ પાસાંઓ તેમજ પ્રગતિ અંગે સંબંધિત તજજ્ઞો પાસેથી વિગતવાર માહિતી મેળવી હતી. બનાસ ડેરી દ્વારા NDB તથા NDSના સહયોગથી આધુનિક ટેક્નોલોજી આધારિત એમ્બ્રિયો ટ્રાન્સફર કાર્યક્રમ અમલમાં મૂક્યો છે. વર્ષ 2021થી રૈયા ફાર્મ ખાતે શરૂ થયેલી આ કામગીરી અંતર્ગત અત્યાર સુધી 700થી વધુ એમ્બ્રિયો ઉત્પન્ન, 522 એમ્બ્રિયો ટ્રાન્સફર તેમજ 83 સફળ ગર્ભધાન પ્રાપ્ત થયા છે.

ઇન્ડિગોની અડચણો વચ્ચે ભાવ વધારતી એરલાઇન્સ માટે કેન્દ્ર સરકારે મહત્ત્વપૂર્ણ નિર્ણય લીધો છે. કેન્દ્ર સરકારે મુસાફરોના હિત માટે કિંમત મર્યાદા નક્કી કરી છે અને નવી ટિકિટ કિંમત મર્યાદા જાહેર છે. હવે આ મુજબ જ એરલાઇન્સ મુસાફરો પાસેથી વિમાન ભાડું મેળવી શકાશે.આ કિંમતોની વાત કરવામાં આવે તો 500 કિમી સુધીની મુસાફરી માટે રૂપિયા 7,500, 500થી 1 હજાર કિમીની મુસાફરી માટે રૂપિયા 12 હજાર, 1000થી 1500 કિલોમીટરની મુસાફરી માટે રૂપિયા 15 હજાર અને 1500 કિલોમીટરથી વધુની મુસાફરી માટે રૂપિયા 18 હજાર નક્કી કરવામાં આવ્યા છે.

એરલાઇન્સના ટિકિટના બમણા ભાવો સામે નિર્ણય

કેન્દ્રીય નવીનીકરણીય ઉર્જા મંત્રી પ્રહલાદ જોશી રિન્યુએબલ એનર્જીને લઈને મહત્ત્વપૂર્ણ નિવેદન આપ્યું હતું. તેમણે કહ્યું કે,  ભારતે નાણાકીય વર્ષ 2025-26માં નોન-ફોસિલ ઉર્જા ક્ષમતા વધારાનો અત્યાર સુધીનો સૌથી વધુ રેકોર્ડ હાંસલ કર્યો છે. આ વર્ષે અત્યાર સુધીમાં 31.25 GW નોન-ફોસિલ ક્ષમતા ઉમેરવામાં આવી છે, જેમાંથી 24.28 GW એકલી સૌર ઉર્જા છે. પુરીમાં આયોજિત ગ્લોબલ એનર્જી લીડર્સ સમિટ 2025માં તેમણે જાહેરાત કરી હતી કે, યુટિલિટી-લેડ એગ્રીગેશન મોડેલ હેઠળ ઓડિશામાં 1.5 લાખ રૂફટોપ સોલાર યુનિટ સ્થાપિત કરવામાં આવશે, જેનો સીધો લાભ રાજ્યના 7-8 લાખ લોકોને થશે.

લોખંડી પુરૂષ, દેશના પ્રથમ ગૃહમંત્રી, ભારતરત્ન સરદાર વલ્લભભાઈ પટેલનેની 150મી જન્મ જયંતી નિમિત્તે તેમને સ્મરણાંજલિ આપવા માટે કરમસદથી નીકળેલી 'સરદાર@150' રાષ્ટ્રીય એકતા પદયાત્રા 11 દિવસના પરિભ્રમણ બાદ એકતાનગર સ્થિત સરદાર પટેલની વિશ્વની સૌથી ઊંચી પ્રતિમા 'સ્ટેચ્યુ ઓફ યુનિટી' પરિસરમાં પૂર્ણ થઈ હતી. એકતા પદયાત્રાના સમાપન સમારોહમાં ઉપરાષ્ટ્રપતિ સી.પી.રાધાકૃષ્ણન, રાજ્યપાલ આચાર્ય દેવવ્રત, મુખ્યમંત્રી ભૂપેન્દ્ર પટેલ અને કેન્દ્રીય મંત્રી મનસુખ માંડવિયા ખાસ ઉપસ્થિત રહ્યા હતા. 

ઉપરાષ્ટ્રપતિ સી.પી.રાધાકૃષ્ણને શું કહ્યું ?

શિયાળાની શરૂઆત થતાં જ રાજ્યના મહાનગરોમાં વધતા જતા હવાના પ્રદૂષણને નાથવા માટે રાજ્ય સરકાર એક્શન મોડમાં આવી છે. મુખ્યમંત્રી ભૂપેન્દ્ર પટેલની કડક સૂચના બાદ શહેરી વિકાસ વિભાગે રાજ્યભરમાં કડક ઈન્સ્પેક્શન હાથ ધર્યું. માત્ર 3 દિવસના ટૂંકા ગાળામાં રાજ્યની 17 મહાનગરપાલિકાઓમાં આવેલી 2600થી વધુ બાંધકામ સાઈટ્સનું ઓચિંતું ચેકિંગ હાથ ધરવામાં આવ્યું હતું. આ દરમિયાન પ્રદૂષણ નિયંત્રણના નિયમોનું પાલન ન કરતી 541 બાંધકામ સાઈટ્સને જવાબદાર ઠેરવીને કુલ 123 લાખ રૂપિયાથી વધુનો દંડ વસૂલવામાં આવ્યો છે.

નાગરિક ઉડ્ડયન મંત્રાલયે શનિવારે ઇન્ડિગો એરલાઇન્સને વિલંબ કર્યા વિના તમામ પેસેન્જર રિફંડ જારી કરવાનો આદેશ આપ્યો. મંત્રાલયે કહ્યું કે, રદ કરાયેલી અને ડીલે ફ્લાઇટ્સ માટે રિફંડ પ્રક્રિયા રવિવારે રાત્રે 8 વાગ્યા સુધીમાં પૂર્ણ કરવામાં આવે. વધુમાં, એરલાઇનને ખાતરી કરવા માટે કહેવામાં આવ્યું છે કે જે મુસાફરોની મુસાફરી યોજનાઓ રદ્દ કરવામાં આવી છે અથવા પ્રભાવિત થઈ છે તેમની પાસેથી કોઈ રિશેડ્યુલિંગ ચાર્જ વસૂલવામાં ન આવે. મંત્રાલયે સ્પષ્ટતા કરી કે, રિફંડ પ્રક્રિયામાં કોઈપણ વિલંબ અથવા નિયમોનું પાલન ન કરવા પર તાત્કાલિક નિયમનકારી કાર્યવાહી કરવામાં આવશે.

કેન્દ્રીય ગૃહ અને સહકાર મંત્રી અમિત શાહના વરદહસ્તે બનાસ ડેરી હસ્તકના વિવિધ પ્રકલ્પોનું ખાતમુહૂર્ત અને લોકાર્પણ કરવામાં આવ્યું હતું. વાવ-થરાદ જિલ્લાના દિયોદર તાલુકાના સણાદર ડેરી ખાતે કેન્દ્રીય સહકાર મંત્રાલયના ડેલિગેશનની ઉપસ્થિતિમાં કાર્યક્રમનું આયોજન કરવામાં આવ્યું હતું. કેન્દ્રીય ગૃહ અને સહકાર મંત્રી અમિત શાહે સણાદર ડેરી ખાતે બનાસ રેડિયો સ્ટેશન, પોટેટો પ્લાન્ટ તથા આઇસક્રીમ પ્લાન્ટની મુલાકાત લીધી હતી. તેમણે સંસદીય પરામર્શ સમિતિના સભ્યઓ અને બનાસ ડેરીના બોર્ડ ઓફ ડિરેક્ટર્સ સાથે બેઠક યોજી હતી. 

કેન્દ્રીય મંત્રી અમિત શાહે શું કહ્યું?

ઇન્ડિગો એરલાઇન્સના સંચાલનમાં શનિવારે પણ ભારે વિક્ષેપ પડ્યો હતો, જેના કારણે દેશભરના એરપોર્ટ પર હજારો મુસાફરો ફસાયા હતા. મુંબઈ, ગુવાહાટી, હૈદરાબાદ અને દિલ્હી સહિત ઘણા મોટા એરપોર્ટ પર લાંબી કતારો, ભીડ અને અરાજકતાની સ્થિતિ સર્જાઈ હતી. ઇન્ડિગોએ શનિવાર સવાર સુધી દેશભરમાં 109 ફ્લાઇટ્સ રદ કરી હતી, જેમાં 51 આગમન અને 58 પ્રસ્થાન કરતી ફ્લાઇટ્સનો સમાવેશ થાય છે, જેનાથી મુસાફરોની મુશ્કેલીઓમાં વધારો થયો હતો. દિલ્હી એરપોર્ટ સૌથી વધુ અસરગ્રસ્ત રહ્યું હતું, જ્યાં કુલ 106 ફ્લાઇટ્સ રદ્દ કરવામાં આવી હતી, જેમાં 54 પ્રસ્થાન અને 52 આગમન કરતી ફ્લાઇટ્સનો સમાવેશ થાય છે.

આ પહેલ રાજ્યના કૃષિ અને ખાદ્ય પ્રક્રિયા ક્ષેત્રની હાલની મૂલ્ય શૃંખલાને મજબૂત કરવા અને નોંધપાત્ર રોકાણ આકર્ષવા માટે ગુજરાત સરકાર દ્વારા એક વ્યૂહાત્મક પગલું છે. GIDC ગુજરાતના ઔદ્યોગિક વસાહતોમાં ઉદ્યોગોની વ્યવસ્થિત સ્થાપના અને સંગઠન સુનિશ્ચિત કરવા જરૂરી માળખાકીય સુવિધાઓ જેમકે, રસ્તા, પાણી, વીજળી, વેરહાઉસ, તાલીમ કેન્દ્રો, કલ્વર્ટ, ઓવરબ્રિજ જેવી આધુનિક ટેક્નોલોજીની સાથોસાથ ઉદ્યોગક્ષેત્રનું સુઘડ સંગમ આ ફૂડ પાર્ક દ્વારા સાકાર થવાનો છે.