રક્ષાબંધનના પર્વ પર દર વર્ષની જેમ આ વર્ષે પણ અમદાવાદ, રાજકોટ, સુરત, વડોદરા, સાબરકાંઠા, ખેડા, અરવલ્લી સહિતની વિવિધ જેલમાં સજા ભોગવતા ભાઈઓને પોતાની બહેન રાખડી બાંધી શકે તે માટે જેલ તંત્ર એ ખાસ આયોજન કર્યું હતું. લાંબા સમય બાદ આ પાવન પર્વ પર જેલમાં ભાઈ-બહેન મળતા હૃદયદ્રાવક દૃશ્યો જોવા મળ્યા હતા. રાખડી બાંધતા સમયે ભાઈઓ-બહેનો ધ્રુસકે ધ્રુસકે રડી પડ્યા હતાં અને એકબીજાને ભેંટી પડ્યાં હતાં. અહીં કેટલીક બહેનોએ ભાઈ જલ્દી જેલમાંથી છુટી બહાર આવે તે માટે ભગવાન અને સરકારને પ્રાર્થના કરી હતી તો બીજી તરફ કેદી ભાઈઓએ પણ બહેનને ભેટ સ્વરૂપે પર્યાવરણના જતન માટે એક છોડ આપ્યો હતો.

પ્રધાનમંત્રી નરેન્દ્ર મોદી 10 ઓગસ્ટના રોજ કર્ણાટકના પ્રવાસે જશે. તેઓ સવારે 11 વાગ્યે બેંગલુરુના KSR રેલવે સ્ટેશન પર 3 વંદે ભારત એક્સપ્રેસ ટ્રેનોને લીલી ઝંડી આપશે. ત્યારબાદ તેઓ બેંગલુરુ મેટ્રોની યલો લાઇનનું ઉદ્ઘાટન કરશે અને આરવી રોડ (રાઘીગુદ્દા)થી ઇલેક્ટ્રોનિક સિટી સુધી મેટ્રો દ્વારા મુસાફરી કરશે. બપોરે 1 વાગ્યે, પ્રધાનમંત્રી બેંગલુરુમાં અનેક શહેરી પરિવહન પ્રોજેક્ટ્સનું ઉદ્ઘાટન અને શિલાન્યાસ કરશે. તેઓ આ પ્રસંગે એક જાહેર સભાને પણ સંબોધિત કરશે. પ્રધાનમંત્રી બેંગલુરુ મેટ્રો ફેઝ-2ની યલો લાઇનનું ઉદ્ઘાટન કરશે, જે આરવી રોડ (રાઘીગુદ્દા)થી બોમ્માસન્દ્રા સુધી બનાવવામાં આવશે.

તાપી જીલ્લાના સોનગઢ તાલુકાના લીંબી ત્રણ રસ્તા નજીક અકસ્માત સર્જાયો હતો. બે બાઈક સામ સામે અથડાયા હતા અને અકસ્માત થયો હતો. આ અકસ્માતમાં ત્રણ યુવકોના મોત થયા હતા. એક યુવકની હાલત ગંભીર હોવાથી હાલ યુવક સારવાર હેઠળ દાખલ છે. મૃતક યુવકો આજુબાજુ ગામના હોવાનું જાણવા મળ્યું હતું. વિનેશ વસાવા,સુરેશ વસાવા અને આનંદ વસાવા નામના યુવકના મોત નીપજ્યા હતા. ઉકાઈ પોલીસે પોસ્ટમોર્ટમ સહિતની કામગીરી હાથ ધરી હતી.

અગાઉ પણ બનેલી અકસ્માતની ઘટના 

દિલ્હીમાં ભારે વરસાદના કારણે જૈતપુર વિસ્તારમાં એક સમાધિ સ્થળની દીવાલ તૂટી પડી.હરિનગરના બાબા મોહનરામ મંદિર પાસે થયેલી દુર્ઘટનામાં અનેક લોકો કાટમાળ નીચે દટાયા. સુચના મળતા દિલ્હી પોલીસ, ફાયર બ્રિગેડ અને ડિઝાસ્ટર મેનેજમેન્ટની ટીમે રાહત અને બચાવ કામગીરી કરી. કાટમાળ હેઠળ દબાયેલા 7 લોકોનું મોત થયું છે. ગંભીર રીતે ઘાયલ લોકોને એમ્સના ટ્રોમા સેન્ટર અને સફદરજંગ હોસ્પિટલમાં દાખલ કરવામાં આવ્યા છે. જ્યાં તેમની સારવાર ચાલી રહી છે. ટીમ દ્વારા લોકોની શોધખોળ માટે બચાવ કામગીરી હજુ પણ ચાલુ છે.

અકસ્માત બાદ ઝૂંપડપટ્ટી ખાલી કરાવવામાં આવી: DCP

ઓપરેશન સિંદુર વિશે ભારતીય વાયુ દળના પ્રમુખ એર ચીફ માર્શલ એ.પી.સિંહે મોટું નિવેદન આપ્યુ છે. તેમણે કહ્યું કે, ભારતે ઓપરેશન સિંદૂર દરમિયાન પાંચ પાકિસ્તાની ફાઇટર જેટ અને એક AWACS વિમાન તોડી પાડ્યું હતું. બેંગલુરુમાં આયોજિત 16મા એર ચીફ માર્શલ 'એલ.એમ.કાત્રે વ્યાખ્યાન'ને  સંબોધતા આ માહિતી આપી હતી. વધુમાં તેમણે વીડિયો ફૂટેજ સાથે વિગતવાર વાત કરતા તેમણે શાહબાઝ જેકોબાદ એરબેઝ પરના હુમલાનો પણ ઉલ્લેખ કર્યો, જેમાં મિસાઇલોએ F-16 જેવા કેટલાક વિમાનોનો નાશ કર્યો. તેમણે કહ્યું કે, ભારતીય હુમલાઓ સારી રીતે વિચારીને કરવામાં આવ્યા હતા અને ત્રણેય દળો વચ્ચે સંપૂર્ણ સંકલન હતું.

રક્ષાબંધનના પવિત્ર પર્વે અમદાવાદની સિવિલ હોસ્પિટલમાં પ્રેમ અને કરુણાના હ્રદયસ્પર્શી દ્રશ્યો સર્જાયા હતા. હોસ્પિટલના નર્સિંગ સ્ટાફે બિનવારસી દર્દીઓને રાખડી બાંધી ભાઈ-બહેનના સ્નેહનું અનોખું બંધન જોડ્યું હતું. મીઠાઈ વહેંચી અને સ્નેહભરી વાતો સાથે દર્દીઓના ચહેરા પર ખુશીના ચમકતા ભાવ ઝળકી ઉઠ્યા હતા. સિવિલ હોસ્પિટલ સ્ટાફથી લઈને રોગી કલ્યાણ સમિતિના સભ્યો સુધી સૌએ આ કાર્યક્રમમાં ભાગ લઈને માનવીય મૂલ્યોને જીવંત બનાવ્યા હતા.

સિવિલ હોસ્પિટલના સુપ્રિટેન્ડેન્ટે શું કહ્યું?

તહેવારોની મોસમ શરૂ થઈ ગઈ છે. રક્ષાબંધનના થોડા દિવસો પછી ગણેશ ચતુર્થી, દુર્ગા પૂજા, દશેરા, દિવાળી અને પછી છઠ પૂજા સુધી ધૂમધામ રહેશે. આ ધૂમધામ ફક્ત ઘર અને બજારમાં જ નહીં, તેની સૌથી વધુ અસર ટ્રેનોમાં પણ જોવા મળે છે. તહેવારોની મોસમ દરમિયાન દર વખતે ભીડને નિયંત્રિત કરવા માટે રેલવે દ્વારા ખાસ આયોજન કરવામાં આવે છે.

દેશભરમાં રક્ષાબંધનનો તહેવાર ખૂબ જ ઉત્સાહથી ઉજવવામાં આવી રહ્યો છે. ભાઈ-બહેનના સંબંધને સમર્પિત આ તહેવાર પર, દિલ્હીના લોક કલ્યાણ માર્ગ ખાતે પ્રધાનમંત્રી નિવાસસ્થાન ખાતે એક ભાવનાત્મક કાર્યક્રમનું આયોજન કરવામાં આવ્યું હતું, જ્યાં વિવિધ શાળાઓની વિદ્યાર્થિનીઓએ પ્રધાનમંત્રી નરેન્દ્ર મોદીને રાખડી બાંધી હતી.

ગાંધીનગરમાં મુખ્યમંત્રી ભૂપેન્દ્ર પટેલની ઉપસ્થિતિમાં પવિત્ર રક્ષાબંધન પર્વની ઉજવણી કરવામાં આવી હતી. રાજભવનમાં આવેલા દયાનંદ હોલ ખાતે આજે રક્ષાબંધનનો કાર્યક્રમ યોજાયો હતો. આ અવસરે સામાજિક ન્યાય અને અધિકારીતા મંત્રી ભાનુબેન બાબરિયા અને મહિલા ધારાસભ્યો, ગાંધીનગરના મેયર સહિત રાજ્યના ખૂણે ખૂણેથી આવેલી દિવ્યાંગ સહિતની બહેનોએ મુખ્યમંત્રીને રાખડી બાંધીને તેમને દીર્ઘાયુના આશીર્વાદ આપીને પ્રજાના કલ્યાણકારી કામો માટે શુભેચ્છાઓ પાઠવી હતી.

તેમના આ અનમોલ યાત્રાને વધુ આરામદાયક અને સરળ બનાવવાના હેતુથી અમદાવાદ જનમાર્ગ લિમિટેડ (BRTS) દ્વારા એક સરાહનીય પગલું લેવામાં આવ્યું છે. BRTSમાં  રક્ષાબંધનના દિવસે એટલે કે 9 ઑગસ્ટના રોજ સવારના 6:00 વાગ્યાથી રાત્રિના 10:45 વાગ્યા સુધી તમામ મહિલાઓ માટે BRTS બસોમાં મુસાફરી સંપૂર્ણપણે નિઃશુલ્ક રહેશે.