હવામાન વિભાગના જણાવ્યા અનુસાર ગુજરાત રાજ્યમાં ભાવનગર, અમરેલી, બોટાદમાં હળવાથી મધ્યમ વરસાદની આગાહી કરવામાં આવી છે. 

દક્ષિણ ગુજરાતમાં હળવાથી મધ્યમ વરસાદ સાથે વીજળીના કડાકા સાથે વરસાદની આગાહી કરવામાં આવી છે. 

આગામી સમયમાં તાપમાન વધશે, હવામાન વિભાગે 15 થી 17 એપ્રિલ સુધી હિટવેવની આગાહી કરવામાં આવી છે. અમદાવાદ અને ગાંધીનગરમાં 39 ડિગ્રી તાપમાન રહેવાની શક્યતા છે, રાજકોટમાં સૌથી વધુ 40.3 ડિગ્રી તાપમાન નોંધાયું છે.

ગુજરાતના જાણીતા ભારતીય કથક નૃત્યાંગના અને કોરિયોગ્રાફર કુમુદિની લાખિયાનું આજે 95 વર્ષની વયે નિધન થયું. તેઓ એક સફળ કથક નૃત્યાંગના અને કોરિયોગ્રાફર હતા. 

તેઓને તાજેતરમાં જ પદ્મ વિભૂષણથી સન્માનિત થનારા લોકોની યાદીમાં સામેલ કરાયા હતા. 17 મે, 1930ના રોજ અમદાવાદમાં તેમનો જન્મ થયો હતો. તેમણે ઈ.સ.1967માં અમદાવાદમાં કદમ્બ સ્કૂલ ઑફ ડાન્સ ઍન્ડ મ્યુઝિકની સ્થાપના કરી હતી. જે ભારતીય નૃત્ય અને સંગીતને સમર્પિત એક સંસ્થા છે. કથક ક્ષેત્રે નવતર પ્રયોગોનો શ્રેય અચૂક તેમના ફાળે જાય છે. પ્રધાનમંત્રી નરેન્દ્ર મોદીએ કુમુદિની લાખિયાના નિધન પર દુઃખ વ્યક્ત કર્યું હતું.

રાજ્યના ૧૪ આદિજાતિ જિલ્લાના ૫૩ તાલુકાના આદિજાતિ સમુદાયનો સર્વગ્રાહી ઉત્કર્ષ પ્રધાનમંત્રીના દિશાદર્શનમાં રાજ્ય સરકારે સુનિશ્ચિત કર્યોઃ મુખ્યમંત્રી ભૂપેન્દ્ર પટેલ

નર્મદા જિલ્લામાં શિક્ષણ જગતના સ્વ.રત્નસિંહ મહીડાના નામે મુખ્યમંત્રી ભુપેન્દ્ર પટેલના હસ્તે રત્નસિંહ મહીડા મેમોરિયલ એવોર્ડની શરૂઆત કરવામાં આવી.

આ એવોર્ડ શિક્ષણ જગતમાં કરેલ સારી કામગીરી બદલ પ્રથમ વર્ષે બિરસા મુંડા ટ્રાયબલ યુનિવર્સિટી-રાજપીપળાના પ્રથમ કુલપતિ ડૉ. મધુકર પાડવી અને અને આંધ્ર યુનિવર્સિટી-વિશાખાપટ્ટનમના પ્રથમ આદિવાસી મહિલા વી.સી. ડૉ.એસ પ્રશન્નાશ્રીને આપવામાં આવ્યો.

રશિયાના રાષ્ટ્રપતિ વ્લાદિમીર પુતિન યુક્રેન સંઘર્ષ અંગે ચર્ચા કરવા માટે સેન્ટ પીટર્સબર્ગમાં યુએસ રાષ્ટ્રપતિ ડોનાલ્ડ ટ્રમ્પના ખાસ દૂત સ્ટીવ વિટકોફને મળ્યા. આ વર્ષે બંને વચ્ચે આ ત્રીજો સંવાદ હતો.

 બેઠકમાં "યુક્રેનિયન કરારના પાસાઓ" પર ધ્યાન કેન્દ્રિત કર્યું હતું. વિટકોફ રશિયન ડાયરેક્ટ ઇન્વેસ્ટમેન્ટ ફંડના વડા અને વિદેશી દેશો સાથે આર્થિક સહયોગ માટે રશિયન રાષ્ટ્રપતિના ખાસ દૂત છે.

પુતિન સાથે મળતાં પહેલાં, વિટકોફે કિરિલ દિમિત્રિએવ સાથે ચર્ચા કરી હતી. દિમિત્રિએવે પછી જણાવ્યું હતું કે ચર્ચા 'અર્થસભર' રહી.

ભારતીય રિઝર્વ બેંક (RBI)ના તાજેતરના આંકડા અનુસાર, 4 એપ્રિલના રોજ પૂરા થયેલા સપ્તાહમાં ભારતનો વિદેશી હૂંડિયામણ ભંડાર $10.8 બિલિયન વધીને $676.3 બિલિયન થયો છે. આ સતત પાંચમા સપ્તાહ છે જ્યારે દેશના ફોરેક્સ રિઝર્વમાં વધારો થયો છે.

આ વધારાનું સૌથી મોટું કારણ વિદેશી ચલણ સંપત્તિમાં $9 બિલિયનનો વધારો હતો, જે હવે વધીને $574.08 બિલિયન થઈ ગયો છે. ભારતના સોનાનો ભંડાર પણ 1.5 અબજ ડોલર વધીને 79.36 અબજ ડોલર થયો છે. તેવી જ રીતે, સ્પેશિયલ ડ્રોઇંગ રાઇટ્સ (SDR) પણ $186 મિલિયન વધીને $18.36 બિલિયન થયા.

કેન્દ્રીય ગૃહમંત્રી અમિત શાહે મહારાષ્ટ્રના રાયગઢ કિલ્લાની મુલાકાત લીધી હતી અને છત્રપતિ શિવાજી મહારાજને તેમની 345મી પુણ્યતિથિ પર શ્રદ્ધાંજલિ આપી હતી. આ મુલાકાત શિવાજી મહારાજની સમાધિના નવીનીકરણની 100મી વર્ષગાંઠ નિમિત્તે થઈ હતી. અમિત શાહ સાથે મહારાષ્ટ્રના મુખ્યમંત્રી દેવેન્દ્ર ફડણવીસ, નાયબ મુખ્યમંત્રી એકનાથ શિંદે અને અજિત પવાર પણ ઉપસ્થિત હતા. આ પ્રસંગે ભાજપના નેતા ઉદયનરાજે ભોંસલેએ પણ શ્રદ્ધાંજલિ આપી હતી. છત્રપતિ શિવાજી મહારાજનું મૃત્યુ એપ્રિલ 1680માં રાયગઢ કિલ્લામાં થયું હતું.

પીએમ મોદીએ સોશિયલ મીડિયા પ્લેટફોર્મ X પર એક પોસ્ટ પોસ્ટ કરી. પીએમ મોદીએ પોસ્ટમાં લખ્યું, હનુમાન જયંતિની દેશવાસીઓને શુભકામનાઓ. સંકટમોચનની કૃપાથી, આપ સૌનું જીવન હંમેશા સ્વસ્થ, સુખી અને સમૃદ્ધ રહે, એ જ મારી કામના છે.

પીએમ મોદીએ પોસ્ટમાં એક તસવીર શેર કરી છે, જેમાં તેઓ સૂતી વખતે હનુમાનજીની આરતી કરી રહ્યા છે. પીએમ મોદીને ભગવાન હનુમાનમાં ખાસ શ્રદ્ધા છે. ઉત્તર પ્રદેશના પ્રયાગરાજમાં આયોજિત ભવ્ય મહાકુંભ દરમિયાન જ્યારે પીએમ મોદીએ ગંગા નદીમાં પવિત્ર ડૂબકી લગાવી હતી, ત્યારે તેમણે પ્રયાગરાજમાં આશ્રયસ્થાન હનુમાન મંદિરની પણ મુલાકાત લીધી હતી.

વૈશ્વિક બજારો ખાસ કરીને એશિયન શેરબજારોમાં થયેલા નુકસાન વચ્ચે આજે સોમવારે અમેરિકાના પ્રમુખ ડોનાલ્ડ ટ્રમ્પે તેમની વિવાદાસ્પદ ટેરિફ નીતિઓનો બચાવ કર્યો હતો. તેમણે કહ્યું કે, વિશ્વના નેતાઓ "પારસ્પરિક ટેરિફ" પર "સમજૂતી કરવા માટે ઉત્સુક" છે.

એરફોર્સ વનમાં પત્રકારો સાથે વાત કરતા, યુએસ પ્રમુખ ડોનાલ્ડ ટ્રમ્પે બજારના ઉતાર-ચઢાવનો ઉલ્લેખ કરતા કહ્યું કે,"ક્યારેક તમારે કંઈક ઠીક કરવા માટે દવા લેવી પડે છે." તેમણે કહ્યું કે, તેઓ આ સપ્તાહની રજામાં વિશ્વના નેતાઓ સાથે સંપર્કમાં હતા. તેમણે દાવો કર્યો કે, ઘણા દેશો એક કરાર કરવા માંગે છે.

ઇન્ડિયન પ્રીમિયર લીગમાં આજે મુંબઈ ઇન્ડિયન્સ અને રોયલ ચેલેન્જર્સ બેંગ્લુરુ વચ્ચે મુકાબલો મુંબઈના વાનખેડે સ્ટેડીયમમાં રમાશે... IPLની આ 20 મી મેચ છે. જો વાત કરવામાં આવે તો, પોઈન્ટ ટેબલ પર રોયલ ચેલેન્જર્સ બેંગ્લુરુની ટીમ ત્રીજા નંબર પર છે, જ્યારે મુંબઈ ઇન્ડિયન્સની ટીમ 8મા નંબર પર છે... RCB પોઈન્ટ ટેબલમાં આગળનું સ્થાન હાંસલ કરવા માટે એડી-ચોટીનું જોર લગાવશે.. તો મુંબઈ ઇન્ડિયન્સને તેની શાખ જાળવવા માટે આજની મેચ જીતવી જરૂરી છે... 

મુંબઇમાં રોહિત અને બુમરાહ આવી શકે છે પરત