નાસા અને સ્પેસએક્સે શનિવારે આંતરરાષ્ટ્રીય અંતરીક્ષ મથક (ISS) માટે માનવયુક્ત મિશન લોન્ચ કર્યું છે. આ અંતરીક્ષયાન નાસાના અંતરીક્ષયાત્રીઓ સુનિતા વિલિયમ્સ અને બુચ વિલ્મોરને પાછા લાવશે, જેઓ ગયા જૂન મહિનાથી અવકાશમાં ફસાયેલા છે. ડ્રેગન અવકાશયાને ભારતીય સમય અનુસાર શનિવારે સવારે 4.33 વાગ્યે ફ્લોરિડામાં નાસાના કેનેડી સ્પેસ સેન્ટરથી સ્પેસએક્સ ફાલ્કન 9 રોકેટ પર ઉડાન ભરી હતી. 

સ્પેસએક્સે કહ્યું હતું કે, "ફાલ્કન 9એ ક્રૂ-10 લોન્ચ કર્યું, જે ડ્રેગનનું 14મુ માનવયુક્ત અંતરીક્ષ ઉડાન મિશન છે જે સ્પેસ સ્ટેશન પર જશે."

પાકિસ્તાનની "કટ્ટરપંથી માનસિકતા"ની નિંદા કરતા UNમાં ભારતના કાયમી પ્રતિનિધિ પી. હરીશે કહ્યું કે, આંતરરાષ્ટ્રીય મંચો પર કાશ્મીર મુદ્દાને ઉઠાવવાથી સરહદ પારના આતંકવાદને ન્યાયી ઠેરવી શકાય નહીં અથવા આ વાસ્તવિકતા બદલી શકાય નહીં કે આ ક્ષેત્ર ભારતનો અભિન્ન હિસ્સો હતો, છે અને રહેશે. પી. હરીશે શુક્રવારે આંતરરાષ્ટ્રીય ઇસ્લામોફોબિયા સામે લડવા માટે યોજાયેલી મહાસભાની અનૌપચારિક બેઠક દરમિયાન પાકિસ્તાનના ભૂતપૂર્વ વિદેશ સચિવ તહમીના જંજુઆએ ઉઠાવેલા કાશ્મીરના મુદ્દા પર પ્રતિક્રિયા આપી હતી.

ફાગણી પૂનમ અને રંગોના તહેવાર હોળી નિમિત્તે યાત્રાધામ દ્વારકામાં શ્રદ્ધાળુઓનું માનવ મહેરામણ ઉમટ્યું છે.. મોટી સંખ્યામાં લોકોએ ભગવાન દ્વારકાધીશની મંગળા આરતીનો લાભ લીધો...આ સાથે પવિત્ર ગોમતી નદીમાં શ્રદ્ધાની ડૂબકી લગાડી હતી..  જગતમંદિરમાં ભક્તોએ ભગવાન સાથે રંગે રમી ફુલડોલ ઉત્સવની ઉજવણી કરી. દ્વારકા "જય રણછોડ"ના નાદથી ગુંજી ઉઠ્યું..
 

ઉત્તરપ્રદેશના  ગોકુળ, મથુરા, વૃંદાવન અને બરસાનામાં 40 દિવસ સુધી હોળીની વિવિધ રીતે ઉજવણી કરવામાં આવે છે.આજે વૃંદાવન ખાતે આવેલ પ્રેમ મંદિર પરિસરની બહાર મોટી સંખ્યામાં ભક્તોએ રંગ ઉડાવી રંગોત્સવ પર્વની ઉજવણી કરી હતી..તો આજે ગોરખપુરમાં ડાન્સ, મ્યુઝિક અને મસ્તી સાથે મોટી સંખ્યામાં લોકોએ ધૂળેટી પર્વની ઉજવણી કરી...તો પશ્ચિમ બંગાળમાં હોળીનો પર્વ ડોલ ઉત્સવ તરીકે મનાવાઈ રહ્યો છે..આજે મોટી સંખ્યામાં મહિલાઓએ ડોલ ઉત્સવમાં ભાગ લીધો..સંગીતના તાલે વિશાલ રેલી યોજી મહિલાઓએ વાજતે ગાજતે રંગોત્સવ પર્વ મનાવ્યો..તો પંજાબના અમૃતસર ખાતે બોર્ડર સિક્યોરીટી ફોર્સના જવાનોએ તેમના પરિવાર જનો સાથે હોળીની ઉજવણી કરી હતી.આ ઉજ

રાજ્યભરમાં હોળી પર્વની ઉત્સાહ સાથે ઉજવણી કરવામાં આવી રહી છે.ત્યારે અમદાવાદના જગન્નાથ મંદિરે  ભક્તો શ્રદ્ધા પૂર્વક ભગવાન જગન્નાથ સાથે ધૂળેટીની ઉજવણી કરી રહ્યા છે.. આ પર્વને ઉજવવા અને ભગવાન જગન્નાથ સાથે રંગે રંગાવા લોકોમાં અનેરો ઉત્સાહ જોવા મળી રહ્યો છે..
 

પાટણના સિદ્ધપુરમાં જોષીઓની ખડકીમાં હોળી પ્રગટાવવા માટે અગ્નિનો નહીં પરંતુ સૂર્યપ્રકાશનો ઉપયોગ કરાય છે.  100 કરતા વધારે વર્ષોથી હોળીના દિવસે પરંપરાગત વૈદિક મંત્રોચ્ચાર અને પૂજા કરી બિલોરી કાચથી બપોરના સમયે સૂર્યના કિરણો દ્વારા છાણામાં અગ્નિ પ્રગટાવવામાં આવે છે.. જ્યારે સાંજે હોળી પ્રગટાવવાનો સમય થાય ત્યારે સારા ચોઘડીયામાં મંત્રોચ્ચાર સાથે સૂર્યના કિરણોથી સળગાવેલા છાણામાં ચાર ડોકા એટલે કે ઘાસ સળગાવી બ્રાહ્મણો દ્વારા પ્રથમ હોળી પ્રગટાવવામાં આવે છે.. ત્યારપછી જ આજુબાજુના વિસ્તારમાં પિતામ્બર પહેરી હોલિકામાંથી અગ્નિ લઈ જઈ પોતાની પોળ, મોહ્હોલા વિસ્તારમાં આ અગ્નિથી હોળી પ્રગટાવવામાં આવે છે..

ત્રણ વર્ષથી ચાલી રહેલા રશિયા-યુક્રેન યુદ્ધમાં શાંતિની  આશા દેખાઈ છે.  યુએસ અધિકારીઓ અને રશિયન અધિકારીઓ વચ્ચે યુદ્ધ વિરામ કરાર અંગે વાટાઘાટો થઇ રહી છે.રશિયાના રાષ્ટ્રપતિએ  યુક્રેનમાં અમેરિકા દ્વારા પ્રસ્તાવિત 30 દિવસના યુદ્ધવિરામ માટે શરતી સમર્થન વ્યક્ત કરી છે.. પુતિને યુદ્ધવિરામના સંભવિત ઉલ્લંઘનો અને યુક્રેન તેના દળોને પુનર્ગઠન અને ફરીથી સશસ્ત્ર કરવા માટે યુદ્ધવિરામ સમયગાળાનો ઉપયોગ કરી શકે તેવી શક્યતા અંગે ચિંતા વ્યક્ત કરી હતી. પુતિને એ પણ નોંધ્યું કે, અમેરિકાએ યુક્રેનને યુદ્ધવિરામ સ્વીકારવા માટે સમજાવ્યું હોવા છતાં, યુક્રેન વર્તમાન યુદ્ધ ક્ષેત્રની પરિસ્થિતિમાં રસ ધરાવે છે. 

IPS અધિકારીની દીકરી રાન્યા રાવ બેંગલુરુ એરપોર્ટ પર 14.2 કિલોગ્રામ સોનાની તસ્કરી કરતી ઝડપાઈ હતી.  DRI અધિકારીઓને રાન્યા રાવ  પર શંકા હતી. જેના આધારે  તપાસ કરતા  રાન્યા રાવ  પાસેથી 14.2 કિલો સોનું ઝડપાયું હતું. રાન્યા રાવ કન્નડ ફિલ્મ ઉદ્યોગની અભિનેત્રી છે. ત્યારે અત્યારે  રાન્યા   સામે મની લોન્ડરિંગનો કેસ દાખલ કરવામાં આવ્યો છે.અને આગળની કાયદેસરની કાર્યવાહી કરવામાં આવી રહી છે.

દેશભરમાં રંગોના તહેવાર હોળીને ધામધૂમથી ઉજવણી થઈ રહી છે. ત્યારે હોળીના રંગ ફીકા ના પડે તે માટે પ્રશાસન પણ એલર્ટ થયું છે. આજે હોળીની સાથે શુક્રવારની જુમા નમાઝને ધ્યાનમાં રાખીને ઉત્તર પ્રદેશ અને બિહારના સંવેદનશીલ વિસ્તારમાં કડક સુરક્ષા વ્યવસ્થા ગોઠવવામાં આવી છે..શાંતિ વ્યવસ્થા ભંગ કરનારાઓ પર વિશેષ નજર રાખવામાં આવી રહી છે.. પટનામાં 5 હજારથી વધુ જવાનોને તૈનાત કરાયા છે..

દેશભરમાં આજે  હોળીનો તહેવાર  ઉત્સાહ અને ઉલ્લાસ સાથે ઉજવવામાં આવી રહ્યો છે.. . ત્યારે રાષ્ટ્રપતિ દ્રૌપદી  મુર્મૂએ દેશવાસીઓને હોળીની શુભેચ્છા પાઠવી છે..રાષ્ટ્રપતિ દ્રોપદી  મુર્મૂએ કહ્યું,, "હોળીના શુભ અવસર પર, હું ભારત અને વિદેશમાં રહેતા તમામ ભારતીયોને હાર્દિક અભિનંદન અને શુભકામનાઓ પાઠવું છું.. રંગોનો તહેવાર હોળી આનંદ અને ઉત્સાહ લઈને આવે છે.. આ તહેવાર આપણા જીવનમાં એકતા અને ભાઈચારાની લાગણીને વધારે છે. હોળીના વિવિધ રંગો વિવિધતામાં એકતાના મૂલ્યોને પ્રતિબિંબિત કરે છે.. આ તહેવાર બુરાઈ પર અચ્છાઈની જીતનું પ્રતીક છે.. આ તહેવાર આપણને આપણી આસપાસ પ્રેમ અને સકારાત્મકતા ફેલાવવામાં મદદ કરે છે.