21 જુલાઈ, 2025 ના રોજ હસ્તાક્ષર કરાયેલા એમઓયુ (MOU) દ્વારા મજબૂત બનેલ આ સહયોગ, વ્યાપક અને વિશ્વસનીય તાલીમ અનુભવો પ્રદાન કરવા તરફ એક મહત્વપૂર્ણ પગલું છે. RRU દ્વારા આયોજિત સુરક્ષા બળ પ્રશિક્ષણ કાર્યક્રમ, આ પહેલનો મુખ્ય ઘટક હશે, જે ખાસ કરીને અદાણી ફાઉન્ડેશનના તાલીમાર્થીઓ માટે રચાયેલ છે. આ ભાગીદારી પ્રો. (ડૉ.) બિમલ એન. પટેલ, વાઇસ-ચાન્સેલર, RRU અને ડૉ. પ્રીતિ અદાણી, અદાણી ફાઉન્ડેશનના અધ્યક્ષના દીર્ઘદ્રષ્ટા નેતૃત્વનો પુરાવો છે.

છેલ્લા 24 કલાકમાં રાજ્યના 90 તાલુકામાં અડધાથી સવા પાંચ ઈંચ સુધી વરસાદ વરસ્યો હતો. નવસારી જિલ્લામાં સાર્વત્રિક વરસાદ વરસ્યો હતો. સૌથી વધુ જલાલપોરમાં સવા પાંચ ઈંચ વરસાદ ખાબક્યો હતો, જ્યારે નવસારી શહેરમાં સવા ચાર ઈંચ અને ગણદેવીમાં બે ઈંચ વરસાદ વરસ્યો હતો. આ ઉપરાંત સુરતના મહુવા અને તાપીમાં વાલોદમાં બે-બે ઈંચ વરસાદ વરસ્યો હતો. અત્યાર સુધી રાજ્યમાં 54 ટકા વરસાદ વરસ્યો છે. સૌથી વધુ કચ્છ જિલ્લામાં 63.95 ટકા વરસાદ વરસ્યો છે. હવામાન વિભાગે આગામી 5 દિવસ દરમિયાન હળવાથી ભારે વરસાદની આગાહી કરી છે. દક્ષિણ ગુજરાત અને સૌરાષ્ટ્રમાં આજે ભારે વરસાદ વરસી શકે છે.

એશિયન બજારોમાંથી મળેલા સકારાત્મક સંકેતોને કારણે ભારતીય શેરબજાર લીલા રંગમાં ખુલ્યા. જોકે, તેજીનો ટ્રેન્ડ ફક્ત લાર્જકેપ્સ સુધી મર્યાદિત હતો, જેમાં મિડકેપ્સ અને સ્મોલકેપ્સ લાલ રંગમાં હતા. સવારે 9:35 વાગ્યે, સેન્સેક્સ 175 પોઈન્ટ અથવા 0.21 ટકા વધીને 82,365 પર અને નિફ્ટી 58 પોઈન્ટ અથવા 0.23 ટકા વધીને 25,119 પર બંધ રહ્યો હતો.

શરૂઆતના કારોબારમાં મિડકેપ અને સ્મોલકેપ શેરોનું લાર્જકેપ શેરો કરતાં નબળું પ્રદર્શન

અમરનાથ યાત્રામાં આવનારા શ્રદ્ધાળુઓની સંખ્યા 20 દિવસમાં 3.31 લાખને વટાવી ગઈ છે. બુધવારે પણ મોટી સંખ્યામાં લોકો દર્શન માટે આવી રહ્યા છે.  3 જુલાઈએ અમરનાથ યાત્રા શરૂ થઈ હતી.

2837 યાત્રાળુઓનો બીજો સમૂહ રવાના થયો

અધિકારીઓએ એમ પણ કહ્યું હતું કે, આજે સવારે 118 વાહનોના બે એસ્કોર્ટેડ કાફલામાં 2837 યાત્રાળુઓનો બીજો કાફલો જમ્મુ શહેરથી રવાના થયો હતો. 49 વાહનોનો પહેલો કાફલો, જેમાં 1036 યાત્રાળુઓ હતા, સવારે 3:25 વાગ્યે બાલતાલ બેઝ કેમ્પ માટે રવાના થયો હતો. 69 વાહનોનો બીજો કાફલો, જેમાં 1801 યાત્રાળુઓ પહેલગામ બેઝ કેમ્પ જઈ રહ્યા હતા, સવારે 3:58 વાગ્યે રવાના થયો હતો.

ભારતીય મહિલા ક્રિકેટ ટીમે ઇંગ્લેન્ડ સામેની વનડે શ્રેણી 2-1થી જીતીને ઇતિહાસ રચ્યો છે. ટીમ ઇન્ડિયાએ ચેસ્ટર-લે-સ્ટ્રીટ ખાતે રમાયેલી ત્રીજી વનડે મેચ 13 રનથી જીતી હતી. આ પહેલી વાર છે જ્યારે ભારતીય મહિલા ટીમે ઇંગ્લેન્ડના એક જ પ્રવાસ પર બંને મર્યાદિત ઓવરની શ્રેણી જીતી છે.

ODI શ્રેણી પહેલા ભારતીય ટીમે ઇંગ્લેન્ડ સામે T20 શ્રેણી પણ જીતી

ODI શ્રેણી પહેલા, ભારતીય ટીમે ઇંગ્લેન્ડ સામે પાંચ મેચની T20 શ્રેણી 3-2 થી જીતી હતી. ઇંગ્લેન્ડ ઉપરાંત, ભારતીય મહિલા ટીમે વિદેશી ધરતી પર ત્રણ દેશો સામે આ સિદ્ધિ હાંસલ કરી છે.

સંસદના ચોમાસુ સત્રનો બુધવારે ત્રીજો દિવસ છે. લોકસભા અને રાજ્યસભામાં કાર્યવાહી ફરી શરૂ થશે, પરંતુ રાજકીય તણાવને કારણે હંગામો થવાની સંભાવના છે.  બુધવારે બપોરે 12:30 વાગ્યે રાજ્યસભામાં બિઝનેસ સલાહકાર સમિતિ (BAC)ની એક મહત્વપૂર્ણ બેઠક યોજાશે. આ ઉપરાંત, ઓપરેશન સિંદૂર પર ચર્ચાનો સમય નવ કલાક સુધી લંબાવવામાં આવ્યો છે. ઘણા વિવાદાસ્પદ મુદ્દાઓ વચ્ચે આ ચર્ચા ગૃહનું મુખ્ય કેન્દ્ર રહેશે. 

મંગળવારે બંને ગૃહોની કાર્યવાહી આખા દિવસ માટે સ્થગિત રહી

શ્રાવન માસની આજે શિવરાત્રિ છે. ત્યારે, આજના દિવસે દેશભરના શિવાલયોને શણગારવામાં આવ્યા છે. 'હર હર મહાદેવ'ના નાદ સાથે દેશભરના શિવાલયો ગૂંજી ઉઠ્યા છે. ઉજ્જૈનમાં વહેલી સવારથી જ ભક્તોની લાંબી કતારો જોવા મળી રહી છે. આજના આ ખાસ અવસરે શ્રદ્ધાળુઓ દ્વારા મહાદેવનો અભિષેક કરવામાં આવશે. તો બીજી તરફ, દેશભરના શિવ મંદિરોમાં શ્રાવન શિવરાત્રિ પર ભક્તોની ભારે ભીડ ઉમટી છે. તો, આજે અયોધ્યાની સરયૂ નદીમાં શ્રદ્ધાળુઓ આસ્થાની ડૂબકી લગાવશે.  

ભક્તોની ભારે ભીડ જોવા મળી

એર ઇન્ટેલિજન્સ યુનિટ દ્વારા સુરત આંતરરાષ્ટ્રીય એરપોર્ટ પરથી અમદાવાદ કસ્ટમ્સે 24.827 કિલો સોનું જપ્ત કર્યું છે. જેની કિંમત 25.57 કરોડ રૂપિયા છે. આ ગુજરાતમાં અમદાવાદ કસ્ટમ્સ કમિશનરેટ દ્વારા કરવામાં આવેલી સૌથી મોટી સોનાની જપ્તીઓમાંની એક છે. એર ઇન્ડિયા એક્સપ્રેસ ફ્લાઇટ IX-174 દ્વારા દુબઈથી સુરત આવેલા બે મુસાફરોને AIU ટીમે અટકાવ્યા હતા અને શંકાસ્પદ ગતિવિધિ જણાતા પૂછપરછ કરવામાં આવી હતી. બંને મુસાફરોની તપાસ દરમિયાન, કુલ 28.100 કિલો સોનું પેસ્ટ સ્વરૂપે મળી આવ્યું...જેને વસ્ત્રો,હેન્ડબેગ અને પગરખાંમાં છુપાવવામાં આવ્યું હતું. 

એરપોર્ટ પર અવારનવાર દાણચોરીની ઘટના

બાંગ્લાદેશની પ્લેન ક્રેશ દુર્ઘટનામાં ભારતે પાડોશી દેશ માટે મદદનો હાથ લંબાવ્યો છે. પ્રધાનમંત્રી નરેન્દ્ર મોદીએ ઢાકામાં બનેલી પ્લેન ક્રેશ દુર્ઘટનામાં થયેલા જાનહાનિ પર શોક વ્યક્ત કર્યો હતો અને સહાયની ખાતરી આપી હતી. તો બીજી તરફ વિદેશ મંત્રાલયે કહ્યું કે, ઢાકા પ્લેન ક્રેશ દુર્ઘટનાના પીડિતોની સારવાર માટે ભારતના બર્ન નિષ્ણાત ડોકટરો અને નર્સોની એક ટીમ ટૂંક સમયમાં બાંગ્લાદેશની મુલાકાત લેશે. તેમની સાથે જરૂરી તબીબી સહાય પણ મોકલવામાં આવશે. ડોકટરો અને નર્સોની આ ટીમ દર્દીઓની સ્થિતિનું મૂલ્યાંકન કરશે અને જરૂર પડ્યે ભારતમાં વધુ સારવાર અને વિશેષ સંભાળની ભલામણ કરશે. 

પ્રધાનમંત્રી નરેન્દ્ર મોદી આજથી બ્રિટન અને માલદીવના પ્રવાસે છે.. ત્યારે પ્રધાનમંત્રી નરેન્દ્ર મોદી આજે સાંજે બ્રિટન પહોંચશે. આ મુલાકાતનો હેતુ ભારત અને બ્રિટન વચ્ચેના દ્વિપક્ષીય સંબંધોને વધુ મજબૂત બનાવવાનો છે. પ્રધાનમંત્રી મોદીની આ મુલાકાત બ્રિટિશ પ્રધાનમંત્રી કીર સ્ટાર્મરના આમંત્રણ પર થઈ રહી છે. મુલાકાત દરમિયાન, બંને નેતાઓ પ્રાદેશિક અને વૈશ્વિક રીતે મહત્ત્વના મુદ્દાઓ પર વાતચીત કરશે. આ સમય દરમિયાન, મુક્ત વેપાર કરાર પર હસ્તાક્ષર થવાની સંભાવના છે.