પંચમહાલના હાલોલ સ્થિત ગુજરાત નેચરલ ફાર્મિંગ સાયન્સ યુનિવર્સિટીમાં 15 હેક્ટરમાં સંશોધન ફાર્મ કાર્યરત છે, જ્યાં ગીર અને ડગરી વંશના ગૌવંશના ગોબર-ગૌમૂત્રથી બાયો-ઇનપુટ્સ તૈયાર કરવામાં આવે છે.જીવામૃત જમીનમાં સૂક્ષ્મજીવો વધારી ફળદ્રુપતા સુધારે છે, જ્યારે ઘનજીવામૃત જમીનમાં ભેજ જાળવી રાખી કાર્બનનું પ્રમાણ વધારે છે.વાવણી પહેલાં બીજની માવજત માટે વપરાતું બીજામૃત બીજની અંકુરણ ક્ષમતા અને રોગપ્રતિકારક શક્તિમાં વધારો કરે છે.આ બાયો-ઇનપુટ્સ ખેડૂતોનો ઉત્પાદન ખર્ચ ઘટાડી, ઓછી કિંમતમાં વધુ ગુણવત્તાયુક્ત ઉત્પાદન મેળવવામાં અને જમીનની લાંબા ગાળાની ઉપજાઉ શક્તિ જાળવવામાં મદદરૂપ બને છે.

પર્યાવરણ સંરક્ષણ અને જનજાગૃતિના હેતુથી રાજ્યભરની 289 સરકારી ITI સંસ્થાઓમાં અંદાજે 10 હજારથી વધુ રોપાઓનું વાવેતર કરાયું છે.ગાંધીનગર ITI ખાતે શ્રમ, કૌશલ્ય વિકાસ અને રોજગાર મંત્રી કુંવરજી બાવાળીયાએ સ્વહસ્તે વૃક્ષારોપણ કર્યું હતું.વધતા પ્રદૂષણ અને ગ્લોબલ વોર્મિંગ સામે લડવા વધુ વૃક્ષો વાવી તેનું જતન કરવું અનિવાર્ય છે. યુવાનોએ કૌશલ્યની સાથે પર્યાવરણ પ્રત્યેની સામાજિક જવાબદારી પણ સમજીને વૃક્ષોના ઉછેર માટે પ્રયત્નશીલ રહેવું જોઈએ.
 

આ સ્માર્ટ કેન્દ્રમાં મફત લેબ ટેસ્ટ, ડિજિટલ હેલ્થ રેકોર્ડ્સ, કમ્પ્યુટરાઇઝ્ડ વહીવટ અને 'ઈ-સંજીવની' ટેલિમેડિસિન દ્વારા ઘરઆંગણે જ નિષ્ણાત ડૉક્ટરોની સલાહ મળી રહે છે.દૈનિક 150 થી 200 દર્દીઓની OPD ધરાવતા આ કેન્દ્રમાં દર મહિને 30 થી 35 સુરક્ષિત પ્રસૂતિ થાય છે. સગર્ભાઓને સોનોગ્રાફી, નવજાત શિશુઓને 'બેબી કેર કિટ' અને ટીબીના દર્દીઓને 'નિક્ષય મિત્ર' યોજના હેઠળ મફત પોષણ કિટ આપવામાં આવે છે.સ્થાનિકોને ફાયદો: ઉત્તમ અને નિઃશુલ્ક સેવાઓ મળવાથી ગ્રામજનોને હવે સારવાર માટે દૂરના શહેરોમાં જવાનો આર્થિક બોજ સહન કરવો પડતો નથી.

ગુજરાતમાં છેલ્લા ત્રણ વર્ષમાં પ્રથમવાર NDPS કેસમાં આરોપીની મિલકત જપ્ત કરવામાં આવી છે.આરોપીનું ઘર, કાર, બાઈક અને એક્ટિવા સહિત કુલ રૂ. 22.31 લાખની ગેરકાયદેસર નેટવર્કથી વસાવેલી મિલકત પોલીસના કબજામાં લેવાઈ છે.

આરોપી અંજાર અને ગાંધીધામ વિસ્તારમાં ગાંજાનું ગેરકાયદેસર નેટવર્ક ચલાવતો હતો, જેના પર વર્ષ 2019 થી 2025 દરમિયાન NDPSના 4 ગંભીર ગુના નોંધાયેલા છે.આ કાર્યવાહી દ્વારા પોલીસે ગુનેગારોને સ્પષ્ટ સંદેશ આપ્યો છે કે ગુનો આચરનારની ગેરકાયદેસર મિલકતો પણ બચશે નહીં.

રોકાણ અને જાહેર સંપત્તિ વ્યવસ્થાપન વિભાગ (DIPAM) ના સચિવે સોશિયલ મીડિયા પ્લેટફોર્મ 'X' પર જણાવ્યું હતું કે OFS બંને દિવસે ઓવરસબ્સ્ક્રાઇબ થયું હતું, જેના પગલે સરકારે ગ્રીન શૂ વિકલ્પનો સંપૂર્ણ ઉપયોગ કર્યો હતો.સરકારે જણાવ્યું હતું કે OFS પૂર્ણ થતાં, LIC માં જાહેર શેરહોલ્ડિંગ વધીને 10 ટકા થઈ ગયું છે. આ સાથે, લિસ્ટેડ કંપનીઓ માટે લઘુત્તમ જાહેર શેરહોલ્ડિંગ (MPS) લક્ષ્ય નિર્ધારિત સમય પહેલા પ્રાપ્ત થયું છે.

જુદા-જુદા જંગલ વિસ્તારોમાં સેવા આપતી વખતે મેળવેલા તેમના દીર્ઘ અનુભવોનો નિચોડ આજે તેમના નિવાસ્થાને જોવા મળે છે, જ્યાં તેમણે કુદરતી વાતાવરણમાં છોડ ઉછેરવાની એક અનોખી પ્રથા વિકસાવી છે.વિશ્વ આદિવાસી દિવસે વન વિભાગના લાંબા અનુભવના આધારે તેઓ જણાવે છે કે, આદિવાસી સમુદાય મૂળભૂત રીતે પ્રકૃતિના ખોળે જીવનારી પ્રજા છે. જંગલની વચ્ચે, ખુલ્લા આકાશ નીચે અને શુદ્ધ ઓક્સિજનયુક્ત કુદરતી વાતાવરણમાં સતત શારીરિક શ્રમ સાથે કાર્યશીલ રહેવાને કારણે આદિવાસીઓ ખૂબ જ લાંબુ અને નિરોગી આયુષ્ય ભોગવે છે.

ફેક્ટરીમાંથી રૂ. 1.67 કરોડની કિંમતનું શંકાસ્પદ પામ ઓઈલ અને કેમિકલ જપ્ત કરવામાં આવ્યું છે. 30 હજાર લીટર તૈયાર પ્રોડક્ટ વિવિધ ટ્રેડિંગ કંપનીઓને સપ્લાય થતું હતું.RM Enhancer અને BT Negative કેમિકલ ભેળવી પામ ઓઈલ તૈયાર કરી, બ્રાન્ડ લગાવીને તેને દેશી ઘી તરીકે બજારમાં વેચવામાં આવતું હતું.જનકકુમાર ભાવસાર સામે કલોલ તાલુકા પોલીસ સ્ટેશનમાં ગુનો નોંધાયો છે, જેના પર વર્ષ 2024માં પણ સમાન ગુનો નોંધાઈ ચૂક્યો છે.FSL અને ફૂડ એન્ડ ડ્રગ્સ વિભાગે નમૂના લઈ તપાસ શરૂ કરી છે. આ ભેળસેળયુક્ત પ્રોડક્ટના સેવનથી હૃદયરોગ, કોલેસ્ટ્રોલ અને હાઈ બ્લડ પ્રેશરનો ગંભીર ખતરો રહે છે.

પોલીસે ₹19.80 લાખની કિંમતના 198 ગ્રામ એમડી ડ્રગ્સ સહિત કુલ ₹25.35 લાખનો મુદ્દામાલ જપ્ત કર્યો છે.પકડાયેલા ચાર આરોપીઓ પૈકી ત્રણ અમદાવાદના અને એક દાંતીવાડા (બનાસકાંઠા) નો રહેવાસી છે. પાલનપુર પશ્ચિમ પોલીસ સ્ટેશનમાં એનડીપીએસ (NDPS) એક્ટ હેઠળ ગુનો નોંધીને ડ્રગ્સ ક્યાંથી લાવ્યા હતા અને ક્યાં પહોંચાડવાનું હતું તે અંગે વધુ તપાસ હાથ ધરી છે.

આ અંતર્ગત ઝોન-7 ના માનનીય ડી.સી.પી શિવમ વર્મા સાહેબના સીધા માર્ગદર્શન હેઠળ ઝોન-7 માં આવતા તમામ પોલીસ સ્ટેશનના મુખ્ય પોઈન્ટ્સ પર મોડી રાત્રે કડક નાકાબંધી કરીને સઘન ચેકિંગ હાથ ધરવામાં આવ્યું છે.આ સ્પેશિયલ ડ્રાઈવ અંતર્ગત ઝોન-7 માં આવતા તમામ પોલીસ સ્ટેશનો જેવા કે, સેટેલાઈટ પોલીસ સ્ટેશન, બોડકદેવ પોલીસ સ્ટેશન, આનંદનગર પોલીસ સ્ટેશન, સરખેજ પોલીસ સ્ટેશન, પાલડી પોલીસ સ્ટેશન અને એલિસબ્રિજ પોલીસ સ્ટેશનના સ્ટાફ દ્વારા પોતપોતાના વિસ્તારના મેઈન પોઈન્ટ્સ પર નાકાબંધી કરી પ્રશંસનીય કામગીરી કરવામાં આવી રહી છેવિશેષ કરી ને બોડકદેવ પોલીસ સ્ટેશનના પી.આઈ સંદીપ ખાંભલા સાહેબના કુશળ માર્ગદર્શન હેઠળ બોડકદેવ પોલીસ સ્ટા

આ કાર્યવાહી દરમિયાન ગુડદી પાસા વડે પૈસાની હારજીતનો જુગાર રમતા 10 શખ્સો રંગેહાથ ઝડપાઇ ગયા હતા.પોલીસે દરોડા દરમિયાન રૂ. 2.10 લાખની રોકડ સહિત મોબાઇલ ફોન, કાર, બાઇક અને જુગાર રમવાના સાધનો મળી કુલ રૂ. 4.46 લાખનો મુદ્દામાલ જપ્ત કર્યો છે.આ કેસમાં બે આરોપીઓ ફરાર થઈ ગયા છે, જેમની શોધખોળ પોલીસ દ્વારા શરૂ કરવામાં આવી છે. પકડાયેલા તમામ આરોપીઓ સામે ચુડા પોલીસ સ્ટેશનમાં જુગારધારા હેઠળ કાયદેસરનો ગુનો નોંધી આગળની તપાસ હાથ ધરવામાં આવી છે.